كلهه تموت
**********( مرثيه بحق اللاعب احمد راضي)
كلهه تموت
بس يبقه فرق ما بين موت وموت
اكو ميت......
دفنته اتفشل الدفان
واكو شايل حضاره بخشبة التابوت
كلهه تموت
ومحضوض وبخيت الحصّل التابوت
كلهه تموت لازم.......
والوركته اتطيح
لو روحه ابعرجهه بنص عرجهه تموت
ولو دك جنحه وجر ( عزرائيل ع)
ولو دك جنحه وجر
مايفيد المال
ولاخلفه التفيده وما تنفعه بيوت
ونتساوه.......
وعرايه ابجفن ماله جيوب
بس زين الجنيته وياك سنطه ايفوت
وباشط........
واللسان جبال بيه تنحت
ومن تكوه تلاوي الكاع بيهه اتعت
يالباشط السانك شو ذليل اتصير.....
لو صابك ردى اعله الراح دمع اتكت
مايطفر...........مايطفر
طبيب ولا عليل الموت
والجاب الدوه والباعه مايفلت
يالتلهط دكافي اعيونك مورثات.....
مهو بشجرة دنيتك هالوكت ينكت
تره كل الحويته اتكول مزنة صيف
وصم تراب يملي عيونك وتسكت
ابو هيا شمع ذاب ابكايا الروح
ابو هيا عدل لا لا تظن ميت
******
محمد النعماني// العراق
ليست هناك تعليقات:
إرسال تعليق