((( الشاب الروش)))
يالى مغرور بقوتك
وشادد حيالك وهمتك
فرحان بشبابك وصحتك
بكره هتيجى نكستك
عامل فيها أفرنجى
وبتطلع الأول وبرنجى
ناصح ومفرتك واد أرلندى
شايف نفسك الواد التوب
وذكائك فاق الحد
واثق وبتتكلم جد
نازل رزع وشغال هبد
ماشى فى سكتك وواخد جانب
نعكش شعرك وأنزل فرد
فارد أيدك ومادد رجل
لابس قط وحملات
علشان تبين الدرعات
بتهز كتافك وتخوفنا بالعضلات
وعشان تكمل الحركات
بتطير ف الهوا شقلبزات
حالف لوكسبت الماتش
وضربت أتش ومستر أكس
تعمل حفله وتدبح عجل
وعشان تكمل الفورمه
أكتب أسمك ع الفنله
وتبقى بطل القفيشات
وتابع ياسيدى التعليقات
تلاقى ألف تحيه من الأخوه
وبوسه طعمه من الحلوات
هدى اللعب ياطرزان
وبطل تنطيط ع الحيطان
وأهو كله عرض وطلب
وسنين شايفين فيها العجب
وشغل من تحت لتحت
خلى بالك من طريقك
وبص قدام رجلك وأظبط خطوتك
وحاسب من الفحت
لتنزل على جدوررقبتك وتوقع تحت
ونقولك بعد الشر أزيك سلامات
أبوك السقا مات
كلمات/محمود صلاح السيد
3/5/2018
ليست هناك تعليقات:
إرسال تعليق