(نص عامي)
هل العيد
**********
شهديلج كلب والروح فوكه تزيد
من فدوة ونذر يا جبدتي الهلايد
فززتج ييمه وكلت شنهو تريد
كلت اليوم افرحج حتى روحي تهيد
هل العيد ??
يوليدي كلف هذا الوكت ومطافر الدمعات
معاتت ع الكراسي ونص بدنهم مات
ما عدهم حيا ودم لا ابد هيهات
حفنه سنين يبني وعيشه بالحسبات
هل العيد ??
بديه من الدعاوي عشعش العصفور
واحدنه ثلج بس دمنه يمه يفور
خدودي من الدمع يوليدي بيهه حفور
فوك گبور اهلنه انبنت عشر گبور
ما ظل عيد .......
يهل چان بفرح عز من يهل خجلان
يمر ضيف بسلفنه وما يظل زعلان
من غبشه تهيم وتفرح الرضعان
يا يمه بوكتكم شيبت الشبان
بالكرادة يبني بكل شبر بركان
شو باوع .....لطش بهدومنه الدخان
هل العيد ?? ماظل عيد.....شنه العيد
من سالم تطب يوليدي
ميه عيد
محمد النعماني// العراق
ليست هناك تعليقات:
إرسال تعليق